रसुवागढीले ५३ कर्मचारी माग्यो, नियुक्ती पाउनेलाई आयोजना स्थलमा खटाइने

काठमाडौं ।  रसुवागढी जलविद्युत आयोजनामा ५३ कर्मचारीका लागि राेजगारी खुलेकाे छ । आयोजनाकाे प्रवर्द्धक रसुवागढी हाइड्रो पावर कम्पनीले एक जना मेकानिकल इन्जिनियर तथा ठेकेदार चाइना इन्टरनेशनल वाटर एण्ड इलेक्ट्रिक कर्पाेरेशनले ५२ जना कर्मचारी मागेकाे हाे । 

कम्पनीले अनुसार तह–७ का लागि १ जना मेकानिकल इन्जिनियर मागेकाे छ । मेकानिकल इन्जिनियरिङमा स्नातक तह उत्तीर्ण गरेको योग्य व्यक्तिले आवेदन दिन सक्नेछन् । योग्यता पुगेको इच्छुक व्यक्तिले मेकानिकल इन्जिनियरिङमा स्नातक गरेको शैक्षिक प्रमाणपत्र र कार्यानुभव प्रमाणपत्रको प्रतिलिपिलगायत आवश्यक कागजातसहित माघ १९ गतेभित्र कम्पनीको कार्यालयमा आवेदन दिइसक्नुपर्नेछ ।

ठेकेदार कम्पनीले आयोजना व्यवस्थापक, लेखापाल, सुपरभाइजर, सिभिल तथा मेकानिकल वर्क्स हेर्ने प्राविधिक पद खाली रहेकाले करार सेवामा पदपूर्ति गर्न आवेदन खुलाइएको छ । ठेकेदार कम्पनीमा १ जना आयोजना व्यवस्थापक, १ जना लेखापाल, ५ जना सुपरभाइजर पदका लागि पनि आवेदन मागिएको छ ।

२५ जना सिभिल, १५ जना मेकानिकल र ५ जना उकपरण जडान गर्ने प्राविधिकको पनि पदपूर्ति गरिने भएको छ । यी पदका लागि इन्छुक योग्य व्यक्तिले आवश्यक कागजातसहित माघ ९ गतेभित्र आवेदन दिनुपर्नेछ । योग्यता पुगेर राम्रो कार्यानुभव भएका आवेदकले कम्पनीमा रोजगारीको अवसर पाउने छन् ।