ऊर्जा खबर
काठमाडौं । हिलटन हाइड्रो इनर्जी कम्पनीले १२ मेगावाटको सुपर काबेली खोला क्यासकेड जलविद्युत आयोजना निर्माण गर्ने भएको छ । कम्पनीले ताप्लेजुङ जिल्लाको सिरजंगा गाउँपालिका भएर बग्ने काबेली खोलामा पहिचान भएको आयोजना अघि बढाउन लागेको हो ।
अध्ययन पूरा भएको आयोजनाको उत्पादन अनुमतिपत्र लिने प्रक्रिया अन्तिम चरणमा पुगेको छ । विद्युत विकास विभागले कम्पनीलाई उत्पादन अनुमतिपत्र दिन ३५ दिने सूचना जारी गरेको छ ।
विभागका अनुसार वन तथा वातावरण मन्त्रालयबाट स्वीकृत वातावरणीय प्रभाव मूल्याङकन प्रतिवेदन र आयोजनाको अध्यययन रिपोर्टका आधारमा प्रवद्र्धक कम्पनीलाई उत्पादन अनुमतिपत्र दिने तयारी भइरहेको छ ।
विभागले अनुमतिपत्र जारी गर्नुअघि आयोजना निर्माण तथा सञ्चालन गर्दा पर्न सक्ने प्रतिकुल असरका बारेमा सम्बन्धित सरोकारवालासँग राय/सुझाव मागेको छ । विभागले सूचना जारी भएको मितिले ३५ दिनभित्र प्राप्त हुने गरी राय/सुझाव पठाउन सरोकारवालसँग समक्ष आग्रह गरेको छ ।
विभाग वा प्रवद्र्धक कम्पनीको कार्यालयमा प्राप्त हुने गरी राय/सुझाव पठाउन सरोकारवालाले पठाउन सक्ने विभागले जनाएको छ । आयोजनाको सम्पूर्ण संरचना काबेली खोलाको बायाँ किनारामा रहने गरी डिजाइन तयार पारिएको कम्पनीले जनाएको छ ।
यो आयोजनाका सुपर काबेली ‘ए’ को क्यासकेड आयोजना हो । सुपर काबेली ‘ए’ को टेलरेसबाट झरेको पानीलाई ३ सय ५२ मिटर लामो हेडरेस पाईपमार्फत हेडरेस टनेलमा पुर्याइनेछ । १.९१० किलोमिटर लामो सुरुङ तथा २ सय ९० मिटर लामो पेनस्टक पाईप मार्फत सतही विद्युतगृहमा पुर्याइनेछ ।
विद्युतगृहमा ६.१९ मेगावाटको २ वटा टर्वाइन जडान गरिनेछ । टवाईनमा जडान भएको ३ फेजको २ वटा जेनेरेटरमार्फत विद्युत उत्पादन गरिनेछ । उत्पादीत विद्युत १८ किलोमिटर दुरीमा रहेको नेपाल विद्युत प्राधिकरणको अमरपुर सबस्टेसनमा जोडिनेछ ।
आयोजनाबाट २०७९ माघ ४ गते विद्युत उत्पादन गर्ने गरी प्रस्ताव गरिएको छ । आयोजना पूरा भएपछि वार्षिक सरदर ७१.९३७ गिगावाट घण्टा विद्युत उत्पादन हुनेछ ।
.jpg)
