दुई जलविद्युत कम्पनीको साधारण सभा पुस २९ गते  

काठमाडौं । पुवा खोला–वान हाइड्रो पावर लिमिटेड र श्वेत गंगा हाइड्रो पावर एण्ड कन्स्ट्रक्सन लिमिटेडको साधारण सभा पुस २९ गते हुने भएको छ । सञ्चालक समितिले  पुवा खाेलाकाे पुस ३ गते र श्वेत गंगाकाे पुस ६ गते बसेको बैठकले उक्त साभाको मिति तय गरेको हो । 

कम्पनीका अनुसार सभामा वार्षिक प्रतिवेदन, वित्तीय विवरण, नाफा/नोक्सान, हिसाब तथा  नगद प्रबाह लगायत विषयमा छलफल गरिनेछ । साथै, आर्थिक वर्ष २०७९/८० को लागि लेखापरीक्षक नियुक्त गरी पारिश्रमिक समेत निर्धारण गर्ने जनाइएको छ । 

सभामा सेयरधनी र सर्वसाधरणका लागि सेयर निष्कासनको विषयमा छलफल गरि प्रस्ताव पारित गर्नेछ ।

पुवा खोला–वान हाइड्रो पावरको पुस २९ गते बिहान १० बजेबाट युनियन हाउस अनामनगर र श्वेत गंगा हाइड्रो पावर एण्ड कन्सट्रक्सनको पुस २९ गते कुण्डलिनी दरबार ब्याङ्क्वेटमा बिहान ११ बजेबाट सुरु हुनेछ ।