ऊर्जा खबर
काठमाडौं । नेपाल विद्युत प्राधिकरणले बालाजु सबस्टेसनबाट सञ्चालित सबै फिडरको विद्युत लाइन काटेको छ । सबस्टेसनको ११ केभी ब्रेकर जडान गर्न शुक्रबार बिहान ७ देखि १० बजेसम्म ३ घन्टाका लागि लाइन काटिएको हो ।
सबस्टेसनबाट सञ्चालित बालाजु औद्योगिक क्षेत्र–१, बालाजु औद्योगिक क्षेत्र–२, ढुंगेधारा, महाराजगन्ज–२, नयाँ बजार र धर्मस्थली फिडरको सेवा अवरुद्ध भएको प्राधिकरण बालाजु वितरण केन्द्रले जनाएको छ । विद्युत लाइन काटिँदा बालाजु, ढुंगेधारा, महाराजगन्ज, नयाँ बजार र धर्मस्थली क्षेत्रको सेवा अवरुद्ध भएको छ ।
शनिबार पनि मध्यान्ह १२ देखि दिउँसो ३ बजे सम्म सबै फिडरको लाइन काटिने वितरण केन्द्रले जानकारी दिएको छ । प्राधिकरणले ग्राहकलाई सूचना दिई विद्युत लाइन काटेर वितरण लाइन तथा सबस्टेसनको मर्मत गर्दै आएको छ ।
