ऊर्जा खबर
काठमाडौं । धादिङको धुनीबेसीमा निर्माण सम्पन्न भई सञ्चालनमा रहेको जर्मन टेक्निकल स्कुलमा हाइड्रो पावर सम्बन्धी तालिमका लागि सहकार्य गर्न काठमाडौं विश्वविद्यालय (केयू), नेपाल हाइड्रो पावर एकेडेमी (एनएचए) र स्वतन्त्र ऊर्जा उत्पादकहरूको संस्था (इपान) बिच सम्झौता भएको छ । यी संस्थाहरुबीच बिहीबार (साउन १९ गते) सम्झौता भएको हो ।
सम्झौतापत्रमा केयूका तर्फबाट टेक्निकल ट्रेनिङ सेन्टर (टीटीएस) का डा. दिवाकर विष्ट, एनएचएका तर्फबाट अध्यक्ष विश्वेस्वप्रसाद ढकाल र इपानका तर्फबाट उपाध्यक्ष आषिश गर्गले हस्ताक्षर गरे ।
सम्झौता अनुसार हाइड्रो पावर सम्बन्धि तालिम र इंटर्नशिपका लागि सहकार्य गर्नेछन् । केयूले हाइड्रो पावर सम्बन्धि तालिम लिन इन्छुक विद्यार्थीलाई धादिङमा रहेको प्राविधिक स्कूल सिफारीस गर्ने र एनएचएले केयूका विद्याथीहरूको इन्र्टनसिपका लागि सहयोग गर्ने एनएचएका कार्यक्रम व्यवस्थापक मानस घिमिरेले बताए ।
यस्तै, प्रमाणपत्र पनि सयुक्त रुपमा जारी गरिनेछ । धादिङमा सञ्चालनमा रहेको प्राविधिक स्कूल शेषकान्त फाउन्डेसनले जर्मन एनजीओ जुकुन्फट फर नेपाल अस्टुर्टेम्बर्ग (जेटएफएन) को सहयोगमा प्राविधिक शिक्षा दिने उदेश्यले निर्माण गरेको हो ।
