ऊर्जा खबर
काठमाडौं । २०७९ को असार र साउनमा प्राधिकरणका ४४ कर्मचारीले अनिवार्य अवकास पाउने भएका छन् । एक निर्देशकसहित प्राधिकरणका कर्मचारीले सेवाबाट अनिवार्य अवकास पाउन लागेका हुन् ।
उमेर, हद, सेवा अवधि पुगेका र शैक्षिक प्रमाणपत्रका आधारमा १ देखि ११ तहसम्मका कर्मचारीले अवकास पाउन लागेको प्राधिकरणले जनाएको छ । प्राधिकरणका अनुसार असारमा २७ र साउनमा १७ कर्मचारीले सेवाबाट अवकास पाउँदै छन् ।
असारमा अवकास पाउनेमा ११ तहका आयोजना विकास विभागमा कार्यरत अजय सिंह महरा रहेका छन् । यस्तै, ६ तहका ३ जना, ५ तहका ७, ४ तहका ७, ३ तहका ४ र २ तहका ५ कर्मचारीले अनिवार्य अवकास पाउने भएका छन् ।
यस्तै, साउनमा ९ तहका एक, ७ तहका ३, ६ तहका २, ५ तहका ४, ४ तहका एक, ३ तहका २ र २ तहका ३ र एक तहका १ कर्मचारीले अवकास पाउने भएका छन् ।
