ऊर्जा खबर
काठमाडौं । नेपाल आयल निगमले पेट्रोलियम पदार्थको मूल्य बढाएर समायोजन गरेको छ । निगमले गएराति १२ बजेदेखि लागु हुने गरी पेट्रोल र डिजेलको मूल्य बढाएर समायोजन गरेको हो ।
नयाँ मूल्य अनुसार पेट्रोल र डिजेलको मूल्य प्रतिलिटर ५/५ रुपैयाँ बढेको निगमले जनाएको छ । निगमका अनुसार याे मूल्य अहिलेसम्मकै उच्च हाे । मूल्यवृद्धिपछि काठमाडौं डिपोको १५ किलोमिटर क्षेत्रभित्र पेट्रोल प्रतिलिटर १५० पुगेको छ । याे मूल्य अहिलेसम्मकै उच्च हाे ।
यस्तै, डिजेल र मट्टिते्ल प्रतिलिटर १३३ रुपैयाँ पुगेको छ । ग्यासको मूल्य भने थयावतनै राखेको छ । हवाई इन्धनको मूल्य पनि बढाएर समायोजन गरिएको निगमले जनाएको छ ।
समायोजनले निगमको १५ दिनको जम्मा घाटा ३ अर्ब ९ करोड रुपैयाँबाट ५९ करोड रुपैयाँ घटी अझै २ अर्ब ५० करोड घाटा यथावत नै रहने निगमले जनाएको छ । मुल्य समायोजन पश्चात भारत सिमा क्षेत्रमा अझै पनि पेट्रोल प्रतिलिटर २४.२४ रुपैयाँ र डिजेल प्रतिलिटर १७.३१ रुपैयाँ नेपालतर्फ सस्तो रहेको छ ।
