ऊर्जा खबर
काठमाडौं । स्थायी नियुक्तीको माग राखेर ४५६ मेगावाटको माथिल्लो तामाकोसी जलविद्युत आयोजनामा कार्यरत करार तथा ज्यालादारी कर्मचारी धर्नामा बसेका छन् । गत कात्तिक १३ गतेदेखि आन्दोलनरत कर्मचारी मागको सुनुवाई नभएको भन्दै बुधबारदेखि धर्नामा बसेका हुन् ।
तिहार सुरु भएकाले आन्दोलन अन्तर्गत बुधबारदेखि जलविद्युतगृहको उत्पादन बन्द गर्ने पूर्व घोषित कार्यक्रम स्थगित गरी धर्नामा बसेको अप्पर तामाकोसी हाइड्रो पावर कम्पनी स्वतन्त्र कर्मचारी युनियनले विज्ञप्ती जारी गरी जानकारी दिएको छ । युनियनले तिहारको समयमा विद्युत आपूर्तिमा समस्या नहोस भनी
करारका कर्मचारीलाई स्थायी नगरी ज्यादारी कर्मचारीलाई भर्ना गर्ने प्रक्रिया अघि बढाएको भन्दै उनीहरू आयोजना स्थलममै धर्नामा बसेका हुन् ।
गत कात्तिक १३ गतेदेखि आन्दोलित बनेका करार तथा ज्यालादारी कर्मचारी बुधबार धर्नामा बसेका छन् ।
माग सम्बोधन नभए जलविद्युतगृह अनिश्चित कालका लागि बन्द गर्ने चेतावनी दिइए पनि तिहारको समयमा विद्युत आपूर्तिमा समस्या नआओस भनी उक्त कार्यक्रम केही समयका लागि स्थगित गरिएको विज्ञप्तीमा जनाइएको छ ।
जलविद्युतगृहको उत्पादन बन्द गर्ने बाहेकका आन्दोलनका कार्यक्रम भने माग पूरा नहुन्जेलसम्म यथावत राखिएको विज्ञप्तीमा उल्लेख छ ।
आन्दोलनरत कर्मचारीले आन्दोलनका कार्यक्रम अन्तर्गत गत कात्तिक १३ र १४ गते कालो पट्टी बाँधेर काम गरेका थिए । कात्तिक १५ र १६ गते २ घन्टा ‘पेन डाउन’ गरेका थिए ।
आयोजनाको प्रवर्द्धक कम्पनीको व्यवस्थापन पक्षले अस्थायी र ज्यालादारी कर्मचारीको हकमा भएको लिखित सम्झौताको मर्म अनुसार काम नगरेको उनीहरूको आरोप छ । आयोजनामा नेपाल विद्युत प्राधिकरणका १५ सहित १२५ जना कर्मचारी कार्यरत छन् । प्राधिकरणले सहायक कम्पनीमार्फत निर्माण गरेको तामाकोसी आयोजनाले गत भदौ १ गतेबाट व्यापारिक विद्युत उत्पादन सुरु गरेको हो ।
.jpg)