ऊर्जा खबर
.jpg)
काठमाडौं । नेपाल विद्युत प्राधिकरण विराटनगर वितरण केन्द्रले करिब ६७ लाख ६० हजार रुपैयाँ विद्युत महशुल बक्यौता असुली गरेको छ । केन्द्रले महशुल बुझाउन अटेर गर्ने ग्राहकको लाइन काटी बक्यौता असुली गरेको हो ।
लामो समयसम्म विद्युत महशुल नबुझाउने ग्राहकको लाइन काटी बक्यौता असुली गरिएको केन्द्र प्रमुख मिथिलेस कुमार गोहीबारले बताए । उनका अनुसार गत बुधबार (१६ गते) र बिहीबार (१७ गते) ३३ ग्राहकको लाइन काटीएको थियो ।
लाइन काटीएका ग्राहकबाट १ करोड ५३ लाख १ हजार ७ सय ९० रुपैयाँ असुली गर्नुपर्ने थियो । लाइन काटिएका ग्राहकमध्ये १३ जनाले जरीवानासहितको ६७ लाख ६० हजार ३ सय ७० रुपैयाँ विद्युत महशुल बुझाएपछि उनीहरुको लाइन पुनःजोडिएको छ ।
बाँकी २० जनाले पनि जरीवानासहितको बक्यौता बुझाएपछि लाइन जोडिनेछ । केन्द्रले लाइन काटेर विद्युत महशुल संकलन अभियानलाई तिव्र गतिमा अघि बढाएको छ । ६० दिनसम्म महशुल नबुझाएका ग्राहकको जुनसुकै बेला पनि लाइन काटिने केन्द्रले जनाएको छ ।
यस केन्द्र अन्तर्गत प्राधिकरणको विद्युत सेवा लिने ७३ हजार बढी ग्राहक छन् ।
.jpg)