स्थानीयले इङ्वा हाइड्रोको सेयर आवेदन दिने आज अन्तिम दिन 

काठमाडौं । प्रभावित स्थानीयले इङ्वा हाइड्रोको सेयर आवेदन दिने आज अन्तिम दिन हो । कम्पनीले फागुन २१ गतेदेखि स्थानीयका लागि निष्कासन गरेको सेयर आवेदन अवधि आज साँझ ५ बजेबाट सकिन लागेको हो । 

जारी पूँजी ६० करोडमध्येको १० प्रतिशत अर्थात ६ करोड रकम बारबरको सय रुपैयाँ अंकित ६ लाख कित्ता सेयर निष्कासन गरेको कम्पनी कम्पनीले जनाएको छ । कम्पनीका अनुसार प्रभावित क्षेत्रका बासिन्दाहरु ताप्लेजुङ जिल्लाको सिदिग्ङ गाउँपालिका वडा नम्बर ३, आनखोप गाविसको वडा नम्बर ३, ६, ८ र ९, पाँचथर जिल्लाको याङवरक गाउँपालिका वडा नम्बर २, साविक फलैचा गाविस वडा नम्बर १, ३ र ओयाम गाविस वडा नम्बर २ का लागि निष्कासन गरिएको हो । 

स्थानीयले न्यूनतम १० कित्ता देखि अधिकतम २० हजार कित्ता सम्म आवेदन दिन पाउनेछन् । कम्पनीको सेयर निष्कासन गरी बाँडफाँड गर्न नेपाल एसबिआई मर्चेण्ट बैकिङ्ग लिमिटेडलाई बिक्र प्रबन्धक तोकिएको छ । कम्पनीको पाँचथरमा ९.७ मेगावाटको इङ्वा खोला जलविद्युत आयोजना निर्माण गरिरहेको छ ।