ऊर्जा खबर
काठमाडौं । नेपाल आयल निगमले फेरी पेट्रोलियम पदार्थको मूल्य बढाएको छ । निगमले आइतबार राति १२ बजेदेखि लागु हुने गरी पेट्रोल, डिजेल र मट्टितेलको मूल्य बढाएको हो ।
पेट्रोल प्रतिलिटर २१ रुपैयाँ र डिजेल/मट्टितेलको मूल्य प्रतिलिटर २७ रुपैयाँका दरले बढाएको निगमले जनाएको छ । निगमका अनुसार अब नयाँ मूल्य अनुसार पेट्रोल प्रतिलिटर १९९ र डिजेल र मट्टितेलको मूल्य प्रतिलिटर १९२ रुपैयाँ पुगेको छ ।
यस्तै, हवाई इन्धनको मूल्य आन्तरिक तर्फ प्रतिलिटर १९ रुपैयाँले बढाएर १८५ रुपैयाँ र बाह्यतर्फ किलोलिटर १०० डलरले बढाएर १६४५ डबर कायम गरेको छ ।
निगमले गत जेठ २६ गते राति १२ बजेदेखि लागु हुने गरी पेट्रोल प्रतिलिटर ८ रुपैयाँ र डिजेल÷मट्टितेलको मूल्य प्रतिलिटर १२ रुपैयाँका दरले बढाएको थियो । निगमले खाना पकाउने ग्यासको मूल्य भने यथावत राखेको छ ।
.jpg)
