ऊर्जा खबर
.jpg)
काठमाडौं । सयपत्री हाइड्रो पावर लिमिटेडकाे सेयर आवेदन दिने आज अन्तिम दिन हो । कम्पनीले सर्वसाधारणका लागि गत साउन १३ गतेदेखि खुल्ला गरेको सेयर आवेदन अवधि साझ ५ बजेबाट सकिन लागेको हो ।
आयोजना प्रभावित स्थानीयका लागि बिक्री नभएको १ लाख २१ हजार ६० कित्तासमेत थप गरी कुल ७ लाख २१ लाख ६० कित्ता सेयर निष्कासन गरिएको कम्पनीले जनाएको छ । कम्पनीका अनुसार निष्कासन सेयरमध्ये ५ प्रतिशत हुन आउने अर्थात ३६ हजार ५३ कित्ता सामूहिक लगानी कोषको लागि र ३ प्रतिशत अर्थात १४ हजार ४ सय २१ कित्ता सेयर कम्पनीको कर्मचारीका लागि छुट्याइएको छ ।
बाँकी, ६ लाख ७० हजार ५ सय ८६ कित्ता सर्वसाधारणका लागि आवेदन खुल्ला गरिएको छ । सर्वसाधारणले न्यूनतम १० कित्तादेखि अधिकतम ३० हजार कित्ता सम्म आवेदन दिन सक्नेछन् ।
कम्पनीको सेयर निष्कासन गरी बाँडफाँड गर्न एनआईबिएल क्यापिटललाई बिक्री प्रबन्धक तोकिइको छ । कम्पनीले बाग्लुङ जिल्लाको दरम खोलामा रहेको २.५ मेगावाटको दरम खोला–ए जलविद्युत केन्द्रले २०७३ असार १२ गतेबाट निरन्तर विद्युत उत्पादन गरिरहेको छ । आयोजनाका कुल लागत ५३ करोड ४५ लाख रहेको छ भने प्रतिमेगावाट लागत खर्च २१ करोड ३८ लाख खर्च भएको छ ।
