ऊर्जा खबर
काठमाडौं । दोर्दी जलविद्युत कम्पनीको सेयर बाँडफाँड भएको छ । कम्पनीले लमजुङमा निर्माणाधीन १२ मेगावाटको दोर्दी–१ जलविद्युत आयोजनाको सर्वसाधारणका लागि गत जेठ २३ गतेदेखि ३१ गतेसम्म निष्कासन गरेको सेयर बाँडफाँड भएको हो ।
कम्पनीको सेयर किन्न आवेदन दिनेमध्ये २ लाख १ हजार १ सय ९६ जनाले १० कित्ता र बाँकी ९ जनाले ११ कित्ता सेयर पाएको बिक्री प्रबन्धक सिद्धार्थ क्यापिटल लिमिटेडले जनाएको छ ।
कम्पनीले सर्वसाधारणका लागि सय रुपैयाँ अंकित २१ करोढ ९४ लाख ५० हजार ९ सय रुपैयाँ बराबरको २१ लाख ९४ हजार ५ सय ९ कित्ता साधारण सेयर निष्कासन गरेको थियो । कम्पनीका अनुसार यसमा आयोजना प्रभावित स्थानीयले नकिनेको २ लाख ९७ हजार ८४० कित्ता सेगर समेत थियो ।
कम्पनीको साबिक ढोडेनी, फलेनी र गाविस, हाल दोर्दी गाउँपालिकाको दोर्दी खोलाको पानी उपयोग गरी १२ मेगावाटको दोर्दी–१ जलविद्युत आयोजना निर्माण गरिरहेको छ । आयोजनाको काम अन्तिम चरणमा पुगेको छ ।
