ऊर्जा खबर
जनकपुरधाम । नेपाल–भारत सहयोगमा निर्माणाधीन मोतिहारी–अम्लेखगञ्ज पेट्रोलियम पाइप लाइन परियोजनाअन्तर्गत दोस्रो चरणको काम प्रायः पूरा भएको छ । नेपाल आयल निगमले उक्त परियोजनाको ९० प्रतिशत काम पूरा भएको जनाएको छ ।
निगमको मधेस प्रदेश प्रादेशिक कार्यालय अमलेखगञ्जका प्रमुख विनितमणि उपाध्यायका अनुसार मोतिहारी–अमलेखगञ्ज पेटोलियम पाइप लाइन परियोजनाअन्तर्गत दोस्रो चरणको मुख्य ट्याङ्की ४ हजार १ किलोलिटर क्षमताका २ वटा ट्याङ्की निर्माण पूरा भएको तथा अन्य प्राविधिक काम २ महिनाभित्र सम्पन्न गर्नेगरी द्रुतगतिमा भइरहेको छ ।
पेट्रोलियम पदार्थको भण्डारणसँगै पाइप लाइन जडानकार्य पनि अन्तिम चरणमा पुगेको छ । परियोजनामा सरकारको १ अर्ब ५४ करोड तथा भारत सरकारको ६० करोड रुपैयाँ लगानी छ ।
