ऊर्जा खबर
काठमाडौं । सरकारले पेट्रोलियम पदार्थको खपतबाट चल्ने सवारी साधनलाई विद्युतीयमा रुपान्तर गरेमा ५ वर्षसम्म नवीकरण शुल्क नलिने भएको छ । अर्थमन्त्री विष्णु पौडेलले आर्थिक वर्ष २०७८/७९ को बजेट भाषणमार्फत विद्युतीयमा रुपान्तरण हुने सवारीका लागि नवीकरण शुल्कमा छुट दिने घोषणा गरेका हुन् ।
पेट्रोलियमबाट विद्युतीयमा रुपान्तर हुने सवारीले सडक तथा संभार दस्तरमा पनि छुट पाउने पौडेलले बताए । यस्तै, २०८८ सालभित्र पेट्रोलियम पदार्थबाट चल्ने हलुका सवारीलाई पनि विद्युतीयले प्रतिस्थापन गर्ने घोषणा बजेतमार्फत गरिएको छ । हलुका पेट्रोलियम गाडीलाई विद्युतीयले प्रतिस्थापन गर्न योजना तर्जुमा गरी कार्यान्वयन गरिने भएको छ ।
यो कार्यका लागि अवलम्बन गर्ने नीति, छुट, सुविधा र पूर्वाधार विकासका सम्बन्धमा सुझाव दिन विज्ञसहितको कायैदल गठन गरिने पनि मन्त्री पौडेलले बताए ।
