ऊर्जा खबर
काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले भारतबाट मूल्य बढेर आएपछि सोमबार (माघ २३ गते) राति १२ बजेदेखि लागु हुने गरी पेट्रोलियम पदार्थको मूल्य बढाएको हो ।
प्रतिलिटर पेट्रोल ३ रुपैयाँ र डिजेल/मट्टितेल ३ रुपैयाँ बढाएको निगमले जनाएको छ । निगमका अनुसार अब नयाँ मूल्य सूचीअनुसार पेट्रोल प्रतिलिटर १७८ रुपैयाँ र डिजेल/मट्टितेल १७५ रुपैयाँ कायम भएको छ ।
खाना पकाउने एलपी ग्यास र हवाई इन्धनको मूल्य भने हाललाई यथावत राखिएको विज्ञप्तीमा उल्लेख छ । इन्डियन आयल कर्पोरेशन (आइओसी) ले बुधबार (माघ १८ गते) पठाएको पेट्रोल प्रतिलिटर ८.१ रुपैयाँ, डिजेल ७.९८ रुपैयाँ , मट्टितेल ४.६१ रुपैयाँ तथा हवाई इन्धन ७.८० रुपैयाँ बढाएर नयाँ मूल्यसूची पठाएकाे थियाे । पेट्रोलियम पदार्थको मूल्य बढ्दा एलपी ग्यासमा भने प्रतिसिलिन्डर ७५ रुपैयाँ घटेर आएको निगमले जनाएको छ ।
निगले नेपाल सरकारको ऋण र आइओसीलाई फेब्रुवरी २०२२ मा तिर्नुपर्ने बक्यौता भुक्तानी गरी करिब १६ अर्ब ३० करोड रुपैयाँ तिर्न बाँकी छ । आइओसीको बक्यौता एंव सरकारद्धारा उपलब्ध ऋणको व्यवस्थापना गर्न चुनौति रहेको निगमले जनाएको छ ।
थप जानकारीका लागि
