ऊर्जा खबर
काठमाडौँ । सीजी इलेक्ट्रोनिक्सले माइडिया ब्रान्डका दुई नयाँ मोडलका चिम्नी, ग्यास हब र कुकटप बजारमा ल्याएको छ ।
‘आधुनिकता र सफाई एकसाथ’ भन्ने नाराका साथ सीजीले यी उत्पादनहरू बजारमा ल्याएको हो । कम्पनीले भान्साघरलाई आधुनिक सुविधायुक्त र सफा राख्न सघाउने गरी यी उपकरण बजारमा ल्याएको जनाएको छ ।
नयाँ मोडलका माइडिया चिम्नी, ग्यास हब र कुकटप आधुनिक प्रविधि र आकर्षक डिजाइनमा उपलब्ध रहेको कम्पनीले जानकारी दिएको छ । साथै माइडिया ग्यास हब उच्च गुणस्तरीय सामाग्री र प्रविधिको उपयोग गरी निर्माण गरिएकोले बलियो र टिकाउ हुने समेत जानकारी गराएको छ ।
सीजीले हाल माइडिया ब्रान्डका वासिङ मेसिन, वासरड्रायर, रेफ्रिजेरेटर, डिशवाशर, माइक्रोवेभ, ओभन, एयर फ्रायर, भ्याकुम क्लिनर, वाटर डिस्पेन्सर, इलेक्ट्रिक प्रेसर कुुकर, इन्डक्सन, फ्यान हिटर, ओएफआर हिटर, पीटीसी हिटर, फ्यान जस्ता विभिन्न विद्युतीय घरायसी उकपरण नेपाली बजारमा बिक्री वितरण गर्दै आएको छ । माइडिया ब्रान्ड बजारमा शक्तिशाली र असाधारण कार्यक्षमताको लागि परिचित रहेको कम्पनीले जनाएको छ ।
