कृषिका लागि सौर्य ऊर्जामा आधारित भूमिगत तथा लिफ्ट सिँचाइ प्रणाली विकास गरिने

काठमाडौं । कृषिका लागि सौर्य ऊर्जामा आधारित भूमिगत तथा लिफ्ट सिँचाइ प्रणाली विकास गरिने भएको छ । प्रतिनिधि सभाको चुनाव नजिक आइरहँदा राष्ट्रिय प्रजातन्त्र पार्टी (राप्रपा) ले आफ्नो घोेषणपत्र सार्वजनिक गर्दै उक्त कुरा बताएको हो ।

नेपालमा रहेका अपार जलश्रोतलाई बहुउद्देशीय योजनाहरू मार्फत टार एवम् फाँटहरू सिँचाई व्यवस्था गर्ने घोषणापत्रमा उल्लेख छ । यस्तै, आगामी ४ वर्षभित्र हरेक घरधुरीमा खानेपानीको उपलब्ध गराउने प्रतिवद्धता जनाएको छ । तत्कालका लागि भने १० हजार लिटर प्रत्येक घरधुरीलाई निशुल्क दिने पनि प्रतिवद्धता जनाएको छ । 

आर्सेनिकमुक्त सुरक्षित खानेपानी आयोजना गर्ने र एक घर एक धारा पुर्याइने छ । भौगोलिक रुपमा आवश्यक स्थानहरूमा लिफ्ट प्रविधिको खानेपानी योजनालाई पनि प्राथामिकता दिने राप्रपाले घोषणापत्रमा उल्लेख छ ।