ऊर्जा खबर
काठमाडौँ । लगानी बोर्डले ५४ मेगावाटको तल्लो अप्सुवा जलविद्युत् आयोजनामा ८ अर्ब ८४ करोड रुपैयाँ बराबरको लगानी स्वीकृत गरेको छ । शुक्रबार बसेको बोर्डको ६५औँ बैठकले उक्त निर्णय गरेको हो ।
बैठकले ७५० मेगावाटको पश्चिमसेती आयोजना विकासको सम्झौता मस्यौदा तयारी, वित्तीय ढाँचालगायतका विषयमा विकासकर्तासँग छलफल गरी बोर्डमा प्रस्ताव पेस गर्न प्रमुख कार्यकारी अधिकृतको संयोजकत्वमा वार्ता समिति गठन गर्ने निर्णयसमेत गरेको छ । विकासकर्ता भारतीय कम्पनी एनएचपिसी इन्डियाले यो आयोजनाको क्षमता बढाएर ८०० मेगावाट प्रस्ताव गरे अनुसार बाेर्डले त्यही क्षमताका लागि स्वीकृत गरेको छ ।
त्यस्तै, ९ सय मेगावाट क्षमताको माथिल्लो कर्णाली जलविद्युत् परियोजनाको विद्युत् प्रसारण लाइनको नयाँ रुट ‘अलाइनमेन्ट’को सम्भाव्यता तथा वातावरणीय अध्ययन गर्नका लागि प्रवर्द्धक कम्पनी कर्णाली ट्रान्समिसन कम्पनी प्रालीलाई सहमति प्रदान गर्ने निर्णयसमेत बैठकले गरेको छ ।
.jpg)
