ऊर्जा खबर
काठमाडौं । सान्जेन जलविद्युत कम्पनीको १०औं वार्षिक साधारणसभा भइरहेको छ । शुक्रबार (आज) बिहान ११ बजेदेखि भर्चुअल माध्यमबाट कम्पनीको साधारणसभा भइरहेको हो ।
साधारणसभाले आर्थिक वर्ष २०७६/७७ को वासताल तथा नाफा नोक्सान हिसाब र नगद प्रवाह विवरणमाथि छलफल गरी पारित गर्ने कार्यसूची रहेको कम्पनीले जनाएको छ ।
साधारणसभाले लेखापरीक्षण समितिको सिफारिस बमोजिम आर्थिक वर्ष २०७७/७८ को लागि लेखा परीक्षक नियुक्त गर्ने तथा पारिश्रमिक निर्धारण गर्नेछ । कम्पनीले रसुवामा १४.८ मेगावाटको माथिल्लो सान्जेन र ४२.५ मेगावाटको सान्जेन जलविद्युत आयोजना निर्माण गरिरहेको छ ।
दुवै आयोजनाको काम अन्तिम चरणमा पुगेको छ । माथिल्लो सान्जेनको ८८ प्रतिशत र सान्जेनको ७८ प्रतिशत काम पूरा भएको कम्पनीले जनाएको छ । कम्पनीका अनुसार आयोजना आर्थिक वर्षभित्र पूरा गर्ने लक्ष्य राखिएता पनि महामारी रुपमा फैलिएको कोभिड–१९ का कारण थप समय लाग्ने देखिएको छ ।
