ऊर्जा खबर
काठमाडौं । कोशी प्रदेश अन्तर्गतको तेह्रथुम जिल्लाको छथर गाउँपालिका स्थानीयलाई उद्यमशीलता विकासकाे तालिम दिइएको छ । राष्ट्रिय युवा परिषद्, छथर गाउँपालिका र नबिल बैंकबिच भएको त्रिपक्षीय समझदारीमा स्थानीयलाई ७ दिन (एक साता) को तालिम दिइएको हो ।
बैंकका अनुसार उक्त तालिम २०८० बैशाख १० गतेदेखि १६ गतेसम्म दिइएको हो । स्थानीय युवा, महिला, विपन्न वर्ग तथा उद्यमी बन्न इच्छुक स्थानीय व्यक्तिहरूलाई साथ दिन यो तालिम निकै सहयोगी हुने अपेक्षा राखिएको बैंकले जनाएको छ ।
उद्यमका लागि सक्षम बनाउन र उद्यम परियोजनाका आधारमा वित्तीय पहुँच पुर्याइ देश भित्रै उद्यम प्रवर्द्धन तथा रोजगारी सृजनाद्वारा दिगो आर्थिक विकासमा योगदान गर्ने लक्ष्यका साथ तालिम दिइएको बैंकले जनाकारी दिएको छ । नबिल दिगो बैंकिङ अवधारणा अनुरूप सामाजिक उत्तरदायित्व बहन गर्दै बैंकले यस कार्यक्रममा आफ्नो आबद्धता जनाएको हो ।
उक्त ७ दिने तालिम कार्यक्रममा ५७ स्थानीय उद्यमीहरू सहभागी भएका थिए । उद्यमी बन्न चाहानेको लागि उद्यमशीलतामा क्षमता वृद्धि तथा वित्तीय साक्षरताको लागि यो तालिम सहयोगी हुनुका साथै उद्यमशीलता विकास र स्वरोजगार प्रवर्द्धन नमा नबिल बैंकको सधैँ साथ रहने नबिल बैंकका एसएमई, लघुवित्त तथा दिगो बैंकिङ प्रमुख निरज कुमार बस्नेत डनिलले बताए ।
