ऊर्जा खबर
काठमाडौं । नबिल बैंकलाई ‘नेशनल एचआर एक्सिलेन्स अवार्ड २०२२’ अवार्ड प्रदान गरिएकाे छ । मानव संसाधनमा परामर्श गर्ने कम्पनी ग्रोथ सेलरले नबिल बैंकलाइ साे अवार्ड प्रदान गरेको हो ।
बैंकले सन्तुष्ट हुने गरी काममा सहजता ल्याएकोले अवार्ड प्रदान गरेको कम्पनीले जनाएको छ । कम्पनीका अनुसार कर्मचारीहरुको बैंकप्रति उत्कृष्ट अनुभव रहेको छ ।
उक्त अवार्ड बैंकका प्रमुख कार्यकारी अधिकृत अनिल केशरी शाहलगायत मानव संसाधन विभागको कर्मचारीहरुले ग्रहण गरेका थिए। बैंकले कर्मचारीको कार्यसम्पादन साथै उनीहरुको बैंकप्रतिको विश्वास र अनुभवका आधारमा मानव संसाधनलाई उपयोग गरे बापत आवार्ड दिएको हो ।
कोरोना महामारीको बीच पनि बैंकले स्वास्थ्य मापदण्डको दायरा भित्र कर्मचारी ब्यवस्थापन गरिएको थियो । हाल बैंकले स्टार बैंकरहरु समेत जन्माइसकेको छन् ।
बैंकमा १ हजार तीन सय १४ भन्दा बढि कर्मचारी स्थायी रुपमा कार्यरत रहेका छन् । यसअघि बैंकले कम्पनीको एचआर मिटमा पहिलो पटक समावेश गरिएको ‘एक्सिलेन्स इन इम्प्लोई एक्सपियरेन्स’ अवार्ड पनि प्राप्त गरिसकेको छ ।
सन् १९८४ देखि आफ्ना ग्राहकहरुलाई समायनुकुल सेवा प्रदान गर्दै आएको छ । बैंकको १४८ शाखा, १८८ एटिएम, १५०० भन्दा बढि नबिल रेमिट एजेन्ट रहेको छ ।
.jpg)