ऊर्जा खबर
काठमाडौं । वैदेशिक रोजगारीमा गएका नेपाली नागरिककले सानिमा मिडिल तमोर हाइड्रोपावर लिमिटेडको सेयर आवेदन दिने आज अन्तिम दिन हो । कम्पनीले माघ ४ गतेदेखि खुल्ला गरेको सेयर आवेदन अवधि आज (बुधबार) बेलुकी ५ बजेबाट सकिन लागेको हो ।
जारी पूँजीको १५ प्रतिशत अर्थात ४९ करोड ९८ लाख ७५ हजार रकम बराबरको सर्वसाधारणलाई छुट्याईएको ४९ लाख ९८ हजार ५ सय ५० कित्ता सेयरको १० प्रतिशत हुन आउने अर्थात ४ लाख ९९ हजार ८ सय ७५ कित्ता सेयर वैदेशिक रोजगारीमा गएका नेपाली नागरिकका लागि निष्कासन गरेको कम्पनीले जनाएको छ ।
आवेदकले न्यूनत्तम १० कित्ता देखि अधिकत्तम २० हजार कित्तासम्म आवेदन दिन पाउनेछन् । कम्पनीको सेयर निष्कास गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ । कम्पनीले ताप्लेजुङमा ७३ मेगावाटको मध्य तमोर जलविद्युत आयोजना निर्माण गरिरहेको छ ।
