ऊर्जा खबर
काठमाडौँ । अप्पर हेवाखोला हाइड्रोपावर कम्पनी लिमिटेडले आफ्ना सेयरधनीलाई हाल कायम चुक्ता पुँजीको १५ प्रतिशत सेयर वितरण गर्ने भएको छ । कम्पनीले गत आर्थिक वर्षको मुनाफाबाट उक्त बोनस सेयर र सोको कर प्रयोजनार्थ ०.७८९ प्रतिशत नगद लाभांश वितरण गर्ने भएको हो ।
कम्पनीको पुस ७ गते बसेको सञ्चालक समितिको बैठकले लाभांश वितरणको निर्णय गरेको हो । नेपाल विद्युत् प्राधिकरणबाट स्वीकृत भई आगामी वार्षिक साधारण सभाले पारित गरेपछि मात्र उक्त लाभांश वितरण गर्ने कम्पनीले जनाएको छ ।
