ऊर्जा खबर
काठमाडौं । नेपाल धितोपत्र बोर्डले साढे ३२ लाख कित्ता साधारण सेयर निष्कासन गर्न दुई जलविद्युत कम्पनीलाई अनुमति दिएको छ । बोर्डले डोल्टी पावर कम्पनी लिमिटेड र भूगोल इनर्जी डेभलपमेन्ट कम्पनी लिमिटेडलाई सेयर निष्कासन अनुमति दिएको हो ।
दुई जलविद्युत कम्पनीलाई ३२ करोड ४१ लाख ६१ हजार सय रुपैयाँ बराबरको ३२ लाख ४१ हजार ६ सय १८ कित्ता साधारण सेयर निष्कासन अनुमति दिएको बोर्डले जनाएको छ । बोर्डका अनुसार दुवै कम्पनीलाई माघ १६ गते (सोमबार) अनुमति दिइएको हाे ।
भूगोल इनर्जीले आयोजना प्रभावित स्थानीय र सर्वसाधारणका लागि १६ करोड ३२ लाख १६ हजार रुपैयाँ बराबरको १६ लाख ३२ हजार १ सय ६० कित्ता साधारण सेयर निष्कासन अनुमति पाएको छ । यस्तै, डोल्टी पावरले पनि स्थानीय र सर्वसाधारणका लागि १६ लाख ९ हजार ४ सय ५८ कित्ता सेयर निष्कासन गर्ने अनुमति पाएको हो ।
यी कम्पनीले पहिलाे चरणमा आयाेजना प्रभावित स्थानीयका लागि छुट्याएकाे साधारण सेयर निष्कासन गरी बाँडफाड गर्नेछन् र दाेस्राे चरणमा सर्वसाधारणका लागि सेयर निष्कासन गर्नेछन् ।
