ऊर्जा खबर
काठमाडौं । नेपाल विद्युत प्राधिकरणले झलारी–बेलौरी ३३ केभी प्रसारण लाइनको विद्युत सेवा बन्द गरेको छ । प्राधिकरण बेलौरी वितरण केन्द्रले लाइन मर्मत संभार गर्नका लागि सेवा बन्द गरेको हो ।
लाइन पुरानो र जीर्ण हुँदै गएकाले सेवाग्राहीलाई गुणस्तरीय, भरपर्दो सेवा प्रवाहको सुनिश्चितताका लागि विद्युत लाइन अपग्रेड गर्न विद्युत सेवा बन्द गरेर लाइन मर्मत गर्न लागिएको केन्द्रले जनाएको छ । केन्द्रका अनुसार ग्राहकको संख्या उल्लेख रुपमा बढ्दा लोडसमेत बढेकाले र गर्मीको समयमा उत्पन्न हुने परिस्थितिलाई मध्यनजर गर्दै लाइन अपग्रेड गर्न लागिएको हो ।
लाइन माघ १८ गते (आज) देखि २ महिनासम्म बिहान १० बजेदेखि साँझ ४ बजेसम्म बन्द हुन छ । सेवा बन्द हुँदा बेलौरी वितरण केन्द्र अन्तर्गतका सम्पूर्ण क्षेत्र प्रभावित हुनेछ ।
लाइन अन्तर्गत लालझाडी गाउँपालिकाका र बेलौरी र पुर्नवास नगरपालिका पर्छन् । तोकिएको समयअगावै काम सम्पन्न भए निर्धारित समय अगावै सेवा सुरु गरिने केन्द्रले जनाएको छ ।
