ऊर्जा खबर
काठमाडौं । रुरु जलविद्युत परियोजना लिमिटेडको नाफा घटेको छ । कम्पनीले सार्वजानिक गरेको आर्थिक वर्ष २०७९/८० दोस्रो त्रैमासको वित्तीय विवरण अनुसार कम्पनीकाे नाफा घटेको देखिएको हो ।
गत आवमा ६ करोड ५७ लाख २५ हजार ७ सय ३२ रुपैयाँ खुद नाफा कमाएको कम्पनीले आर्थिक वर्ष २०७९/८० काे दोस्रो त्रैमासमा ५ करोड ९६ लाख ६१ हजार ८ सय ७९ रुपैयाँ नाफा कमाएकोे छ । कम्पनीकाे नाफा गत वर्षकाे तुलनामा घटेकाे हाे ।
कम्पनीले यो अवधिमा विद्युत बिक्री गरी ९ करोड १५ लाख ५० हजार ८ सय ८१ रुपैयाँ आम्दानी गरेको छ भने गत वर्ष ९ करोड ९६ लाख ५२ हजार ९ सय २४ रुपैयाँ आम्दानी गरेको थियो ।
कम्पनीले गुल्मीमा निर्माण सम्पन्न गरी सञ्चालनमा ल्याएको ५ मेगावाटको माथिल्लो हुग्दी जलविद्युत आयोजनाले २०७१ चैतदेखि विद्युत उत्पादन गरिरहेको छ ।
