ऊर्जा खबर
काठमाडौं । विश्व जलवायु सम्मेलन कोप–२८ आजबाट सुरु भएको छ । युनाइटेड अरब इमिरेन्ट्स (युएई) को दुबईमा नेपाली समयअनुसार दिउँसो १ बजेदेखि औपचारिक रुपमा उद्घाटन हुँदै छ ।
जलवायु परिवर्तन सम्बन्धि संयुक्त राष्ट्र संघीय संरचना महासन्धिका पक्ष राष्ट्रहरू (कन्फ्रेन्स अफ द पार्टिज)को सम्मेलनलाई कोप सम्मेलनको रूपमा लिने गरिएको छ ।
सम्मेलनमा नेपालका तर्फबाट प्रधानमन्त्री प्रचण्ड, ऊर्जा तथा जलस्रोत मन्त्री शक्तिबहादुर बस्नेत, वन तथा वातावरण मन्त्री विरेन्द्रप्रसाद महतो साथै उच्च पदस्थ अधिकारी समेत सहभागी भएका छन् ।
प्रधानमन्त्री प्रचण्डले शुक्रबार उच्च स्तरीय भेटघाटका साथै शनिबार उच्चस्तरीय सत्रमा सम्बोधन गर्ने कार्यक्रम रहेको छ । कोप २८ मंसिर १४ देखि २६ गते (नोभेम्बर ३० देखि डिसेम्बर १२) सम्म दुबईमा हुन लागेको हो ।
कोपका पक्ष राष्ट्रको संख्या ११८ वटा भए पनि कार्बन उत्सर्जन ज्यादा गर्ने कतिपय राष्ट्र यो सम्मेलनमा सहभागी हुन हिच्किचाइरहेका छन् ।
याे पनि पढ्नुहाेस्
