ऊर्जा खबर
काठमाडौं । बाढीपहिरोले अवरुद्ध भएको जुम्लाको राष्ट्रिय प्रसारण लाइन पुन सञ्चालनमा आएको छ । कर्णाली राजमार्गको दैलेख, कालीकोट हुँदै जुम्लासम्मको लाइन मर्मत संभार गरी सञ्चालनमा ल्याइएको हो ।
बाढीपहिरोले जुम्ला र कालिकोट खण्डको ९० वटा पोल र तारमा पुर्याएको क्षतिको मर्मत गरी लाइन सञ्चालनमा ल्याइएको नेपाल विद्युत प्राधिकरण जुम्ला वितरण केन्द्रले जनाएको छ । केन्द्रका अनुसार गत असाेज १९ गते लाइनमा पुगेकाे क्षतिकाे मर्मत गरी सञ्चालनमा ल्याइएको हाे ।
प्रसारण लाइन पुन निर्माण गर्न करिब तीन साता लागेको केन्द्रले जनाएको छ । निरन्तर काम पछि शनिबार (कात्तिक १२ गते) देखि लाइन सञ्चालनमा आएको केन्द्रले जानकारी दिएको छ । आधा महिना बढी समय विद्युत् अवरुद्ध हुँदा जुम्ला अध्याँरो भएको थियो। बिजुली आपूर्ति भएपछि सरकारी काममा सजिलो हुने र सेवा नियमीत भएकाे छ ।
