ऊर्जा खबर
काठमाडौं । अरुण काबेली पावर लिमिटेडले १०.५२६३ प्रतिशत बोनस सेयर र लाभांश पारित गर्न साधारण सभाको आह्वान गरेको छ । सञ्चालक समितिको कात्तिक ६ गते बसेको बैठकले आफ्ना सेयरधनी सदस्यहरुलाई बोनस सेयर र लाभांश पारित गर्न कात्तिक ३० गतेको लागि साधारण सभा बोलाएको हो ।
कम्पनीका अनुसार सभामा आर्थिक वर्ष २०७८/७९ अवधिको मुनाफाबाट चुक्ता पूँजीको ०.५२६३ प्रतिशतको नगद लाभांश र १० प्रतिशत बोनस सेयर वितरण गर्ने प्रस्ताव पारित गरिनेछ । साथै, आर्थिक वर्षको लेखा परीक्षक नियुक्त गरी परिश्रमिक समेत निर्धारण गर्ने जनाईएको छ ।
सभामा वार्षिक प्रतिवेदन वित्तीय विवरण, नाफा/नोक्सान हिसाब नगद प्रवाह लगायत विषयमा छलफल गरि पारित गरिनेछ । यस्तै सभाले चुक्ता पूँजीकाे १ बराबर १ का दरले हकप्रद सेयर निष्कासन गर्न स्वीकृत प्रदान गर्नेछ ।
कम्पनीले आयोजना गरेको सधारण सभा कात्तिक ३० गते (बुुधबार) बिहान ११ बजे अल्फा बीटा कम्प्लेक्स बानेश्वरमा हुनेछ ।
