ऊर्जा खबर
.jpg)
काठमाडौं । नेपालको सबैभन्दा ठुलो ४५६ मेगावाटको माथिल्लो तामाकोसी जलविद्युत आयोजना निर्माण गरी सञ्चालनमा ल्याएको अप्पर तामाकोसी हाइड्रो पावर लिमिटेडकाे १० करोड ५९ लाख १ (१ बराबर १) कित्ता हकप्रद सेयर निष्कासन गर्ने प्रस्ताव पारित भएकाे छ । कम्पनीकाे आज (साउन ३ गते) सम्पन्न साधारणसभाले १:१ अनुपातको हकप्रद सेयर निष्कासन प्रस्ताव पारित गरेको हो ।
कम्पनीको हालकाे चुक्ता पुँजी १० अर्ब ५९ करोड १०० रुपैयाँकाे १:१ काे अनुपातमा हकप्रद सेयर निष्कासन गर्ने प्रस्ताव पारित भएकाे छ । हकप्रद सेयर निष्कासनपश्चात संकलन भएको पूँजी र माथिल्लो तामाकोसी जलविद्युत केन्द्रबाट भएको आम्दानी २० मेगावाटकाे रोल्वालिङ, ९९ मेगावाटकाे माथिल्लाे तामाकाेसी ५ र अन्य आयोजनामा लगानी गरिने कम्पनीका अध्यक्षसमेत रहेका नेपाल विद्युत प्राधिकरणका कार्यकारी निर्देशक कुलमान घिसिङले बताए । हकप्रद सेयर जारी गरेपछि कम्पनीकाे चुक्ता पूँजी २१ अर्ब १८ करोड २०० रुपैयाँ हुनेछ ।
कम्पनीले निर्माण गरेकाे आयाेजनाले २०७८ भदाैदेखि व्यापारीक उत्पादन सुरू गरेकाे छ । बैंकको ब्याजबाहेक ३५ अर्ब २९ करोड रुपैयाँमा निर्माण पूरा गर्ने लक्ष्य राखिएको आयाेजना ८८ अर्ब रुपैयाँ लागतमा सम्पन्न भएकाे छ । यसको आधारमा माथिल्लो तामाकोसी प्रतिमेगावाट १९ करोड ३० लाख रुपैयाँमा सम्पन्न भएको छ । कम्पनीका अनुसार कुल लागतमध्ये ५२ अर्ब रुपैयाँ खुद लागत तथा बाँकी बैंकको ब्याज, विदेशी मुद्रामा आएको वृद्धि लगायत खर्च निस्केको छ ।
कम्पनीमा नेपाल विद्युत प्राधिकरणको ४१ प्रतिशत, नेपाल टेलिकमको ६ प्रतिशत, नागरिक लगानी कोषको ३ प्रतिशत र राष्ट्रिय बिमा संस्थानको २ प्रतिशत लगानीका संस्थापक रहेका छन् । यस्तै, सर्वसाधारणको १५ प्रतिशत, दोलखा जिल्लाबासीको १० प्रतिशत तथा २४ प्रतिशत कर्मभारी सञ्चय कोषका सञ्चयकर्ताको लगानी छ ।
याे पनि पढ्नुहाेस्
१० करोड ५९ लाख कित्ता हकप्रद सेयर निष्कासन गर्ने अप्पर तामाकोसीको निर्णय
अप्पर तामाकोसी हाइड्रो पावरले १ बराबर १.५ हकप्रद सेयर निष्कासन गर्दै
