ऊर्जा खबर
काठमाडौं । चिलिमे जलविद्युत कम्पनी लिमिटेडले आफ्ना सेयरधनी सदस्यहरुलाई १५ प्रतिशत बोनश सेयरर लभांश वितरण दिने घोषणा गरेको छ । कम्पनीले मंगलबार (२० गते) बसेको सञ्चालक समितिको बैठकले सेयरधनी सदस्यालाई बोनश सेयर तथा लाभांश दिने निर्णय गरेको हो ।
आर्थिक वर्ष २०७८/७९ को चुक्ता पुँजीबाट १५ प्रतिशत हुन आउने अर्थात १ अर्ब १ करोड २७ लाख ६९ हजार २ सय १ रुपैयाँ बोनस सेयर र लाभांश दिन लागेको कम्पनीले जनाएको छ । कम्पनीका अनुसार सेयरधनी सदस्यलाई ७.५ प्रतिशत बोनश सेयर तथा ७.५ प्रतिशत नगद लाभांश दिने निर्णय गरेको हो ।
कम्पनीले प्रस्ताव पारित गर्न पुस २२ गते (शुक्रबार) का लागि साधारण सभा आह्वान गरेको छ । सभाबाट प्रस्ताव पारित हुने लगतै लगानीकर्तालाई बोनस सेयर र लाभांश वितरण गरिने पनि कम्पनीले जनाएको छ ।
कम्पनीको रसुवामा २२.१ मेगावाटको चिलिमे जलविद्युत आयोजना सञ्चालनमा छ । यो आयोजनाले २०६० भदौदेखि निरन्तर विद्युत उत्पादन गरिरहेको छ ।
