ऊर्जा खबर
काठमाडौं । यूनिभर्सल पावर कम्पनी लिमिटेडद्धारा सञ्चालित गौरिशंकर गाउँपालिका स्थित तल्लो खारे खोला जलविद्युत केन्द्रमा कार्यरत कर्मचारीमाथि स्थानीय अराजक समूहले कुटपिट तथा तोडफोड गर्दा २५ लाख रुपैयाँ बराबरको क्षति भएको छ । स्वतन्त्र ऊर्जा उत्पादकहरूको संस्था नेपाल (इपान) ले बिहीबार (चैत १६ गते) विज्ञप्ति सार्वजनिक गर्दै यस्तो जनाएको हो ।
तोडफोडबाट करिब २५ लाख रुपैयाँ बराबरको क्षति पुर्याउनुको साथै कर्मचारीमाथि सांघातिक आक्रमण गरेको इपानले जनाएको छ । इपानले यस घटनाको घोर भत्र्सना र निन्दा गरेको छ ।
आयोजनालाई उचित क्षतिपूर्तीका लागि सम्बन्धित निकायको गम्भीर ध्यानार्षण गराउनुका साथै घाईते भएका आयोजनाका कर्मचारीको सम्पूर्ण उपचार खर्च पीडक पक्षबाटै भराउने व्यवस्था गर्न समेत इप्पानले स्थानीय प्रशासनसँग माग गरेको छ ।
घटनामा संलग्न व्यक्तिहरूले कानूनी कारबाही अगाडि बढाएमा विद्युतगृह लगायत अन्य क्षेत्रमा पनि कर्मचारी र आयोजनाको अन्य सम्पत्ति माथि आक्रमण गर्ने धम्की अझै पनि दिइरहेको इपानले सार्वजनिक गरेको विज्ञप्तिमा उल्लेख छ । यस्तो अवस्थमा कर्मचारीहरू भयभित रहेको र शान्ति सुरक्षाको प्रत्याभूती नहुँदा काम गर्ने मनोबल नरहेकोले नेपाल सरकार र सम्बन्धित सुरक्षा निकायले सम्पूर्ण कर्मचारी र आयोजनाको सम्पत्तिको सुरक्षाको व्यवस्था अबिलम्ब मिलाई सुरक्षाको प्रत्याभूती गराउन आह्वान गरेको छ ।
विगतदेखि नै जलविद्युत आयोजनाहरूले यस्ता थुप्रै अप्रिय घटनाहरूको श्रृंखलावद्ध रुपमा सामना गरिरहेको छ । प्रवद्र्धक एवम् कर्मचारीहरूलाई मानसिक र भौतिक रुपमा डर, त्रास पैदा गराउन विभिन्न बहानालाई आधार बनाएर आयोजनालाई गम्भीर क्षति पु¥याउने र अवाञ्छित लाभ लिने नियोजित उद्देश्यले त्यस खालका आपराधिक, उच्श्रृंखल, अराजक र उदण्ड गतिविधि हुने गरेको इपानले जनाएको छ ।
यस प्रकारका गतिविधिले राष्ट्रिय अर्थतन्त्रको मेरुदण्डको रुपमा रहेको ऊर्जा क्षेत्रमा नकारात्मक सन्देश प्रवाह हुनुको साथै समग्र यो क्षेत्र निरुत्साहित हुने कुरातर्फ इपान सम्बन्धित निकायको गम्भीर ध्यानाकर्षण गराएको छ ।
कम्पनीले निर्माणकालदेखि आजसम्म स्थानीय सरोकार समिति र गाउँपालिकासँग समन्वय गरी स्थानीय जनताहरूको सामाजिक आर्थिक विकासमा महत्त्वपूर्ण काम गर्दै आएको छ । स्थानीय तहमा विद्यालय, सिँचाइ, खानेपानी, सडक निर्माण, गुम्बा संरक्षण लगायत कार्यहरूमा आर्थिक सहयोग पुर्याउँदै आएकोमा यस्तो असामाजिक र तोडफोडको कार्य हुनु निन्दनीय रहेको पन्थीको भनाइ छ । कम्पनीले गाउँपालिकासित समन्वय गरी हाल सडक मर्मतको कार्य पनि गरिरहेको जनाइएको छ ।
याे पनि पढ्नुहाेस
तल्लो खारे खोला जलविद्युत केन्द्रस्थलमा तोडफोड तथा कर्मचारीमाथि कुटपिट
