ऊर्जा खबर
काठमाडौं । बिन्ध्याबासिनी हाइड्रो पावर डेभलपमेन्ट कम्पनीमा रोजगारीको अवसर खुलेको छ । कम्पनीले लमजुङ र कास्कीमा सञ्चालित जलविद्युत आयोजनामा खटाउने गरी आवेदन खुलाएको हो ।
कास्कीमा सञ्चालित ८.८ मेगावाटको रुदी खोला–ए र लमजुङमा सञ्चालित ६.६ मेगावाटको रुदी खोला–बी मा खटाउने गरी कर्मचारी माग गरिएको कम्पनीले जनाएको छ । कम्पनीका अनुसार आयोजनामा खटाउने ३ जना शिफ्ट इन्चार्ज माग गरिएको छ ।
सिफ्ट इन्चार्जका लागि इलेक्ट्रिकल इन्जिनियरीङमा डिप्लोमा गरेको र कम्तिमा एक वर्षको अनुभव भएको हुनुपर्ने कम्पनीले जनाएको छ । कम्पनीका अनुसार इच्छुकले आवेदन दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि र पासपोर्ट साइजको फोटोसहित बुझाउनुपर्नेछ ।
आवेदकमध्ये शैक्षिक प्रमाणपत्र र सम्बन्धित क्षेत्रमा बढी कार्यानुभव भएकाले रोजगारीको अवसर पाउनेछन् । योग्य आवेदकले कम्पनीको कार्यालय, नयाँ बानेश्वर वा इमेल ([email protected]) मार्फत आवेदन दिन सक्नेछन् ।
