ऊर्जा खबर
काठमाडाैं । इन्डियन आयल कर्पोरेसन (आइओसी) ले पेट्रोलियम पदार्थको मूल्य बढाएर पठाएकाे छ ।आइओसीले पठाएकाे नयाँ मूल्य सूचीअनुसार पेट्रोल लिटरमा ८.१४ रुपैयाँ र डिजेल लिटरमा ६.८६ रुपैयाँ बढेर आएकाे छ ।
खाना पकाउने ग्यासमा भने प्रतिसिलिन्डर १०० रुपैयाँ घटाएर पठाएको छ। यसैगरी, मट्टितेलमा प्रतिलिटर साढे ७ रुपैयाँ र हवाई इन्धनमा ८.५० रुपैयाँ बढेर आएको छ ।
नेपाल आयल निगमले गत असार ३१ गतेदेखि स्वचालित बिक्री मूल्य प्रणाली लागू गरेको छ। यही कारण अब पेट्रोलियमको मूल्य बढ्ने निगमले जनाएकाे छ। अहिले पेट्रोल प्रतिलिटर १६१ र डिजेल प्रतिलिटर १४५ रुपैयाँमा बिक्री भइरहेकाे छ ।
