ऊर्जा खबर
काठमाडौं । नेपाल आयल निगमले हवाई इन्धनको मूल्य घटाएको छ। मंगलबार (असार ५ गते) निगम सञ्चालक समितिको बैंठकले हवाई इन्धनको मूल्य प्रतिलिटर २६ रुपैयाँ घटाउने निर्णय गरेको हो ।
निगमका अनुसार आन्तरिक तर्फ हवाई इन्धनको मूल्य १० रुपैयाँ घटेको छ। अब आन्तरिक तर्फको हवाई इन्धनको मूल्य प्रतिलिटर १५० रुपैयाँ कायम भएको निगमले जनाएको छ।
यसैगरी, बाह्य तर्फको हवाई इन्धनमा प्रतिलिटर २६ रुपैयाँ मूल्य घटेको निगमले जनाएको छ। यसको प्रतिलिटर १७७ रुपैयाँ थियो। अब १५१.११ रुपैयाँ कायम भएको छ।
निगमले प्रति किलोलिटर २०० अमेरिकी डलर घटाएको छ। यसअघिको मूल्य १३५० डलर थियो। अब घटेर ११५० डलर प्रतिकिलोलिटर कायम गरिएको निगमले जनाएको छ।
