बूढीगण्डकी र दूधकोसीको लगानी मोडालिटी तय गरी निर्माण अघि बढाउने

काठमाडौं । सरकारले आगामी आर्थिक वर्षमा सुख्खा यामको विद्युत माग सम्बोधन गर्न र जलविद्युत निर्यात गर्न १२०० मेगावाटको बूढीगण्डकी र ६३५ मेगावाटको दूधकोशी जलाशययुक्त जलविद्युत आयोजनाको लगानी मोडालिटी तय गरी निर्माण कार्य अघि बढाइने घाेषणा गरेकाे छ । अर्थ मन्त्री प्रकाशशरण महत आगामी आर्थिक वर्ष २०८०/८१ को बजेट प्रस्तुत गर्दै आयोजना अघि बढाउने घोषणा गरेका हुन् ।

संघ, प्रदेश र स्थानीय तहको सह लगानीमा १०६१ मेगावाट क्षमताको माथिल्लो अरुण, २१० मेगावाट क्षमताको चैनपुर सेती, १०६ मेगावाट क्षमताको जगदुल्ला, ९९.९ मेगावाट क्षमताको तामाकोशी पाँचौ, ७०.३ मेगावाट क्षमताको सिम्बुआ खोला तथा ७७.५ मेगावाट क्षमताको घुन्सा खोला जलविद्युत आयोजनाहरूको निर्माण कार्य शुरु गरिने महतले बताए ।