ऊर्जा खबर
काडमाडौं । चालू आर्थिक वर्ष (आव) को फागुनसम्म करिब १५५ सर्किट किलोमिटर प्रसारण लाइनको निर्माण कार्य सम्पन्न भएको छ । अर्थ मन्त्रालयले सार्वजानिक गरेको आर्थिक सर्वेक्षण (२०७८÷७९) मा उक्त तथ्याङ्क उल्लेख गरिएको हो ।
आर्थिक सर्वेक्षणका अनुसार ४०० के.भी., २२० के.भी र १३२ के.भी. भोल्टेजस्तरका प्रसारण लाइन विस्तारतर्फ ९ वटा आयोजनाहरुको ५९३ सर्किट किलोमिटर मध्ये १५४.८७ किलोमिटरमात्र सम्पन्न भएको छ ।
यसैगरी, गत वर्ष राष्ट्रिय प्रसारण लाइन (६६ के.भी र सो भन्दा माथि) को काम ४ हजार ७ सय ९५ सर्किट कि.मि पुगेको थियो भने वितरण लाइन (३३ के.भी र सो भन्दा कम) को १ लाख ६३ हजार २ सय २ किलोमिटर पुगेको आर्थिक सर्वेक्षेणमा उल्लेख छ ।
यस्तै, २०७७ साल फागुसम्म प्रसाण लाइन (६६ के.भी वा सो भन्दा माथिक) ४ हजार ५ सय ७३ सर्किट किलोमिटर तथा वितरण लाइनको १ लाख ६७ हजार १ सय ९१ किलोमिटर रहेको थियो ।
