ऊर्जा खबर
काठमाडौँ । श्रम, रोजगार तथा सामाजिक सुरक्षा मन्त्रालयले प्रधानमन्त्री पुष्पकमल दाहालद्वारा जारी १६ बुँदे निर्देशन पालन गर्न सुरु गरेको छ । यसका लागि मन्त्रालयका प्रवक्ता एवं सह–सचिव गोविन्दप्रसाद रिजालको संयोजकत्वमा ३ सदस्यीय अध्ययन समिति गठन गरिएको छ ।
प्रधानमन्त्री दाहालले गत पुस २५ गते मन्त्रालयको काम कारवाहीका बिषयमा छलफल गरी १६ बुँदे निर्देशन दिएका थिए । प्रधानमन्त्री दाहालको निर्देशनलाई प्रक्रियागत रूपमा कार्यान्वयन गर्न मन्त्रालयले अध्ययन समिति निर्माण गरेको हो । समितिलाई २१ दिनभित्रमा प्रतिवेदन बुझाउन कार्यादेश दिइएको छ ।
यसअघिका श्रम, रोजगार तथा सामाजिक सुरक्षा मन्त्री शरतसिंह भण्डारीको नेतृत्वले गरेको काम-कारबाहीका विषयमा तीव्र आलोचना भएकाे थियाे । पूर्वमन्त्री भण्डारीले वैदेशिक रोजगारीमा जाने श्रमिकलाई प्रस्थानगर्नुअघि दिइने अभिमुखीकरण (तालिम) को शुल्क वृद्धि गरेका थिए ।
त्यस्तै, उनले वैदेशिक रोजगारीमा जानेले अनिवार्य रुपमा अग्रेजी भाषा सिक्नुपर्ने, परीक्षा दिनुपर्ने, मलेसिया जाने कामदारले तेस्रो पक्ष कम्पनीलाई शुल्क बुझाउनुपर्ने जस्ता झण्झटिला र श्रमिकलाई घाटा हुने व्यवस्था गरेका थिए । यस्ता व्यवस्था ल्याएपछि त्यसको चौतर्फी आलोचन भएको थियो । सोही बिषयमा मन्त्रालयसँगको छलफल गरी प्रधानमन्त्री दाहालले २५ पुसमा सुधारका लागि १६ बुँदे निर्देशन दिएका थिए । तर, मन्त्र भण्डारीले आफू पदमा रहुन्जेल उक्त निर्देशन पालना गरेका थिएनन् ।
प्रधानमन्त्रीको निर्देशनलाई कार्यान्वयन गर्न हालै नियुक्त भई मन्त्रालय आएका मन्त्री डोलप्रसाद अर्यालले अध्ययन समिति निर्माण गर्ने निर्णय गरेका हुन् ।
यस्ता छन् प्रधानमन्त्री दाहालले दिएका १६ बुँदे निर्देशन
