ऊर्जा खबर
काठमाडौं । सरकारले विद्युत खपतलाई प्रवर्द्धन गर्ने लक्ष्य अनुसार ‘एलपी ग्यास छोडौं, बिजुली जोडौं’ भन्ने अभियानलाई व्यापक रुपमा कार्यान्वयन गर्ने उल्लेख गरेको छ । आइतबार अर्थमन्त्री जर्नादन शर्माले आगामी आव (२०७९/८०) को बजेत तथा कार्यक्रम प्रस्तुत गर्दै विद्युत खपत बढाउन उक्त अभियानलाई व्यापक रुपमा कार्यान्वयन गर्ने उल्लेख गरे ।
विद्युत खपत बढाउन गुइठा र एलपी ग्यासलाई विस्थापित गरि १ लाख घरधुरीमा विद्युतीय चुलो र सुधारिएको चुलो जडान गरिने उल्लेख छ । विद्युत नपुगेको घरधुरीको भान्सालाई धुवामुक्त बनाउन सुधारिएको चुलो वितरण गरिनेछ ।
बजेटमा आगामी आवको ३ महिनाभित्र महानगर तथा उपमहानगर पालिकाका सबै सार्वजनिक संस्थानमा विद्युतीय चुलो जडान गरिन उल्लेख छ । साउनभित्र सिंहदरवारबाट एलपी ग्यास विस्थापित गरि विद्युतीय चुलो देशव्यापी गरिनेछ । सरकारले विद्युतीय चुलोमा अनुदान दिने र एपली ग्यासको अनुदान हटाउने पनि घोषणा गरेको छ ।
.jpg){kind=spacer}
