ऊर्जा खबर
काठमाडौं । सरकारले आगामी आर्थिक वर्षका लागि विनियोजन गरेको बजेट तथा कार्यक्रममा नदी संरक्षण, तटीय लाभ र जलाधार संरक्षणलाई प्राथमिकता राख्दै बजेट विनियोजन गरेको छ ।
अर्थ मन्त्री जनार्दन शर्माले जेठ १७ गते संसदको दुवै सदनमा प्रस्तुत गरेको बजेटको उक्त कुरा उल्लेख गरिएको छ । बजेटमा एकीकृत जलाधारको माध्यमबाट उपल्लो र तल्लो तटीय अन्तर सम्बन्ध कायम राखी जलाशधारको दिगो व्यवस्थापन गर्ने उल्लेख छ । साथै, जलावायु न्यूनिकरण तथा भूमि उपयोग बढाइने छ ।
वृक्षारोपण गरी जग्गा जोगाउने, नदीको तटबन्ध निर्माण तथा नदी प्रणालीमा आधारित रही वर्षाको पानी उपयोग गर्ने, सिमसार व्यवस्थापन गरी चुरे संरक्षण गर्ने उल्लेख छ । चुरे संरक्षणका लागि २ अर्ब १७ करोड रुपैयाँ विनियोजन गरिएको छ । उता वन तथा वातावरण क्षेत्रका लागि १३ अर्ब रुपैयाँ छुट्याइएको छ ।
