ऊर्जा खबर
काठमाडौँ । नेपाल विद्युत् प्राधिकरणले काठमाडाैँ उपत्यकाकाे ५ ठाउँमा दैनिक ४ घण्टाका दरले विद्युत् काटिने जनाएकाे छ । कुलेश्वर वितरण केन्द्र अन्तर्गतको विद्युतीय वितरण लाइन भूमिगत गर्ने कामका लागि विद्युत् काटिने भएको प्राधिकरणले सूचना जरी गरेकाे छ । बिहान ११ बजेदेखि दिउँसो ३ बजेसम्म विद्युत् लाइन अवरुद्ध रहनेबारे प्राधिकरणले सर्वसाधारणलाई जानकारी दिएको छ ।
वैशाख १६ गते रिंग मेन र कालीमाटी फिडर अन्तर्गत सोल्टी मोडदेखि रविभवनसम्मको क्षेत्र विद्युत् काटिएकाे छ भने वैशाख १७ गते बलम्बु र थानकोट फिडर रहने भएकाले नैकापदेखि बलम्बुसम्मको क्षेत्रमा विद्युत् काटिने छ ।
वैशाख १८ गते कालीमाटी फिडर र त्यसदिन रविभवनदेखि कलंकी चोकसम्मको क्षेत्रमा लाइन काटिने छ ।वैशाख २० गते भने बलम्बु र थानकोट फिडरका दिन नैकापदेखि बलम्बु सम्मको क्षेत्रमा विद्युत् आपूर्ति बन्द रहने छ ।
त्यस्तै, थानकोट र मातातीर्थ फिडर वैशाख २१ गते हुने र त्यसदिन हाइभिजन कोलोनी क्षेत्रमा विद्युत् काटिने प्राधिकरणले जनाएको छ ।
विद्युत् आपूर्ति बन्द हुन गएकोमा नेपाल विद्युत् प्राधिकरण क्षमाप्रार्थी रहेको र मौसम प्रतिकूल रहेमा सटडाउन नहुने समेत प्राधिकरणले सूचनामा बताएको छ ।
