ऊर्जा खबर
.jpg)
काठमाडाैं । डेडिकेटेड तथा ट्रंक लाइनबाट विद्युत् उपभोग गरी ६१ वटा उद्योगहरूले २२ अर्ब बढी रुपैयाँ महसुल भुक्तानी गर्न बाँकी रहेको छ । नेपाल विद्युत प्राधिकरणले सार्वजनिक गरेको तथ्यांकअनुसार २०८० मंसिर मसान्तसम्म कुल ६१ वटा उद्योग (उपभोक्ता)हरूले २२ अर्ब २४ करोड रुपैयाँ बक्यौता रहेको हाे ।
बक्याैता बाँकी रहेकामध्ये ९ वटा ठूला उद्योगको लाइन काटेको प्राधिकरणले जनाएको छ । ९ वटा ठूला उद्योगले करिब १२ अर्ब ५० करोड रुपैयाँ बराबरको बक्यौता तिर्न बाँकी छ । बक्यौता रहेका अन्य उद्योगको लाइन पनि क्रमशः विच्छेद गर्दै जाने प्राधिकरणका कार्यकारी निर्देशक कुलमान घिसिङले बताए ।
काेसी प्रादेशिक कार्यालय विराटनगरमा ७ वटा ठूला उद्योगले डेडिकेटेड तथा ट्रंक लाइनबाट विद्युत् उपभोग गरी ३ अर्ब रुपैयाँ बराबरको बक्यौता तिर्न बाँकी रहेको छ । मधेश प्रदेस कार्यालय जनकपुरमा २१ वटा उद्योगले ९ अर्ब ५४ करोड १७ लाख ११ हजार, बागमति प्रदेश प्रादेशिक कार्यालय, काठमाडाैं अन्तर्गत ३ उद्याेगले २ अर्ब ६३ कराेड ६६ लाख ७७ हजार रुपैयाँ तिर्न बाँकी छ ।
यस्ताे छ बक्याैता रहेका उद्याेगकाे सूची
