ऊर्जा खबर
काठमाडौं । भुजुङ हाइड्रोपावर लिमिटेडले साढे ५ लाख कित्ता सेयर निष्कासन गर्ने भएको छ । कम्पनीले सर्वसाधरणका लागि छुट्याएको साधरण सेयर निष्कासन गर्न लागेको हो ।
सय रुपैयाँ अंकित ५ करोड ८५ लाख बराबरको ५ लाख ८५ हजार कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार सेयर निष्कासन गरी बाँडफाँड गर्न कुमारी क्यापिटल लिमिटेडलाई बिक्री प्रबन्धक तोकिएको छ ।
कम्पनीको हाल अधिकृत पूँजी ५० करोड रूपैयाँ, जारी पूँजी ४३ करोड रूपैयाँ, र चुक्ता पूँजी ३२.७२५ करोड रूपैयाँ रहेको छ । कम्पनीले लमजुङमा ७.५ मेगावाटको माथिल्लो मिदिम खोला जलविद्युत आयोजना निर्माण गरिरहेको छ । आयोजनाको कूल स्वपुँजी ३९ करोड रहेको र यसमध्ये ५ कराेड ८५ लाख रुपैयाँ बराबरकाे सेयर निष्कासन गर्न लागेकाे हाे ।
