१० कित्ते नीति पुनरावलोकन गर्न धितोपत्र बोर्डले बनायो समिति  

काठमाडौं । नेपाल धितोपत्र बोर्डले १० कित्ता नीति पुनरावलोकन गर्ने भएको छ । यससम्बन्धी परिमार्जन गर्नका लागि नेपाल चाटर्ड एकाउन्टेन संस्था (आईक्यान) का उपाध्यक्ष प्रविणकुमार श्रेष्ठको अध्यक्षतामा समिति गठन गरेको हो । 

यसअघि सर्वसाधारणले आईपिओ भर्दा भर्न पाउने १० कित्ता सम्बन्धी व्यवस्था थियो । पछिल्ला दिनमा १० कित्ते नीति सही भएको वा नभएको भन्दै बहस हुँदै आएको थियो । 

सोही अनुसार यो नीतिमा पुनरावलोकनका लागि समिति निर्माण गरिएको धितोपत्र बोर्डले जनाएको छ । 

तत्कालीन बोर्डका अध्यक्ष रेवतबहादुर कार्की अध्यक्ष हुँदा निम्न तथा मध्यम आय भएका सर्वसाधारणलाई समेतलाई लक्षित गर्दै सेयर बजारको पहुँच वृद्धि गर्ने उद्धेश्यले यो नीति ल्याएको थियो ।