ऊर्जा खबर
काठमाडौँ । भोटेकोसी बाढीबाट प्रभावित क्षेत्रमा उद्धार तथा राहत कार्यमा खटिएका सुरक्षाकर्मीका लागि आवश्यक २०० थान हेडल्याम्प तथा त्यसमा लाग्ने ९०० थान ब्याट्री शुक्रबार हस्तान्तरण गरिएको छ ।
सामाजिक संस्था विघ्नहर्ता नेपालले ऊर्जा, जलस्रोत तथा सिँचाइ मन्त्रालयमार्फत नेपाली सेना तथा राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई उक्त सामग्री उपलब्ध गराएको हो । सुरुङभित्र र बाढी प्रभावित क्षेत्रमा रातिको समयमा समेत उद्धार तथा खोजी कार्य सञ्चालन गर्न सुरक्षाकर्मीलाई सहज होस् भन्ने उद्देश्यले हेडल्याम्प सहयोग गरिएको संस्थाले जनाएको छ ।
बाढीबाट प्रभावित रसुवा, नुवाकोटलगायतका क्षेत्रमा उद्धार कार्य जारी रहेकाले आवश्यक उपकरणको सहयोगले विपद् व्यवस्थापनमा थप सहयोग पुग्ने अपेक्षा गरिएको छ ।
