ऊर्जा खबर
काठमाडौं । पुल्चोक इन्जिनियरिङ क्याम्पसका प्राध्यापक मुकेशराज काफ्लेले विद्यावारिधी (पिएचडी) उपाधि प्राप्त गरेका छन् । नेपाल विद्युत प्राधिकरणका पूर्व कार्यकारी निर्देशकसमेत रहेका काफ्लेले त्रिभुवन विश्व विद्यालयबाट विद्यावारिधीको उपाधि पाएका हुन् ।
उनले जलस्रोत इन्जिनियरिङ विषयमा त्रिभुवन विश्व विद्यालय अन्तर्गत इन्जिनियरिङ अध्ययन संस्थान पुल्चोकबाट उक्त उपाधि लिएका हुन् । उनले पिएचडी उपाधिका लागि कोसी नदीमा बाढीको जोखिम र त्यसको व्यवस्थापन विषयमा सोध कार्य गरेका थिए ।
अहिले पुल्चोक क्याम्पसको प्राध्यापक रहेका काफ्ले कार्यकारी निर्देशक हुनुअघि २ पटक विद्युत प्राधिकरणको सञ्चालक समिति सदस्य पनि थिए ।
