ऊर्जा खबर
काठमाडौं । ललितपुर महानगरपालिकामा विद्युतीय शवदाह गृह निर्माण हुने भएको छ । ईर्जी टेक्निकल सर्भिसेस प्रालिलले विद्युतीय शवहाद गृह निर्माण गर्न लागेको हो ।
बागमति प्रदेशको ललितपुर महानगरपालिकाको वडा नम्बर ११ मा विद्युतीय शव दाहगृह निर्माण गर्न लागिएको कम्पनीले जनाएको छ । कम्पनीका अनुसार विद्युतीय शवदाह गृह निर्माण गर्दा पर्न सक्ने असरबारे स्थानीयसँग राय सुझाव माग गरिएको छ ।
प्रारम्भिक वातावारणीय परीक्षण अध्ययनको तयारी गर्ने क्रममा सो क्षेत्रको प्राकृतिक भौतिक, सांस्कृतिक, आर्थिक, सामाजिक प्रणालीमा केकस्तो प्रभाव पर्दछ भनि यकिन गर्न राय/सुझाव माग गरिएको छ ।
त्यस क्षेत्रका विद्यालय, अस्पताल, स्वास्थ्य चौकी तथा सरोकारवाला व्यक्ति वा संस्थाको लिखित राय/सुझाव लिन आवश्यक भएकोले आगामी ७ दिनभित्र आइपुग्ने गरी राय/सुझाव पठाउन कम्पनीले अनुरोध गरेको छ ।
शवदाह गृह १४२३.८९ वर्गमिट जग्गामा निर्माण हुनेछ । आरसीसी संरचनामा निर्माण हुने शवदाहगृह २ तले हुनेछ ।
