ऊर्जा खबर
काठमाडौं । युनाईटेड मोदी हाइड्रो पावर लिमिटेड र सिटिजन्स क्यापिटल लिमिटेडबीच हकप्रद सेयर निष्कासनको सम्झौता भएको छ । सेयरधनी सदस्यका लागि छुट्याएको सेयर निष्कासन गर्न बुधबार (११ गते) दुई कम्पनीबीच सम्झौता भएको हो ।
सम्झौतापत्रमा युनाईटेड मोदीका तर्फबाट अध्यक्ष नरेन्द्र बल्लभ पन्त र सिटिजन्स क्यापिटलका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरेका छन् ।
कम्पनीले १ बराबर १ को अनुपातमा हकप्रद सेयर निष्कासन गर्ने तयारी गरेको छ । सेयर निष्कासन प्रस्ताव नियमनकारी निकायबाट स्वीकृती प्राप्त भए पश्चात कम्पनीको आगामी साधारण सभामा पेश गरिनेछ । सभाले पारित गरेपछि सेयर निष्कासन गरी बाँडफाँड हुनेछ ।
कम्पनीको १० मेगावाताको तल्लो मोदी–१ जलविद्युत आयोजनाले २०६९ मंसिरदेखि निरन्तर विद्युत उत्पादन गरिरहेको छ ।
