विद्युत आपूर्ति : प्राधिकरण : ९९७० मे.वा.घन्टा / निजी क्षेत्र : १७९१० मे.वा.घन्टा / आयात : २११६ मे.वा.घन्टा / ट्रिपिङ : मे.वा.घन्टा / ऊर्जा माग : २९९९६ मे.वा.घन्टा/ उच्च माग : १४४० मेगावाट मे.वा.घन्टा/ निर्यात : मेगावाट
×

ऊर्जा तथा जलस्रोत मन्त्री रायमाझी कोरोना संक्रमित

२०७८ ब‌ैशाख १४

काठमाडौं । ऊर्जा, जलस्रोत तथा सिँचाइ मन्त्री टोपबहादुर रायमाझी कोरोनाबाट संक्रमित भएका छन् । शुक्रराज ट्रपिकल तथा सरुवा रोग अस्पताल टेकूमा गरिएको परीक्षणबाट उनमा कोरोना पुष्टि भएको हो ।

कोरोनाको लक्षण देखिएपछि सोमबार (बैशाख १३ गते) मन्त्री रायमाझी सहित परिवारका सदस्य तथा मन्त्रालयमा उनको सचिवालयमा काम गर्ने कर्मचारीको स्वाव परीक्षण गर्न टेकू पठाइएको थियो । मंगलबार आएको रिपोर्टमा मन्त्री सहित उनकी श्रीमती, छोरा–छोरी, निजी सचिव नारायण खत्री र भान्से महेश पन्तीलाई समेत कोरोना पुष्टि भएको छ ।

कोरोना संक्रमित भए पनि मन्त्री रायमाझी, उनको परिवारको स्वास्थ्य सामान्य रहेको निजी सचिवालयले जानकारी दियो । आफ्नो स्वास्थ्य अवस्था पनि सामान्य रहेको निजी सचिव खत्रीले ऊर्जा खबरलाई बताए । रायमाझीलाई वीरेन्द्र सैनिक अस्पताल छाउनीमा भर्ना गरिएको छ ।

प्रतिक्रिया

सम्पादकः लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Degit